| Profil de TOma•!¦[• Øxÿgēη امبراطورية•...PhotosBlogListes |  Outils  Aide |
|
|
14 décembre guess what ? it'z "new blog" :p !hello there..
welcome again & again 2 my space..
it'z been a vary long time since da last blog mo ?!
any way.. there iz nothing I wanna say, but I wanna complaine about da doctor
& say dat "I hate him"
after gathering photoz & informationz about a fashion designerz & built new website from da 0
he deside 2 give us da presentation next week !!!
I start waorking from da begining !
he'z RUDE !
(BTW, i just try 2 add new blog)
23 avril new thing !!
اليوم غير.. اليوم غير.. اليوم غير اليوم مو جاية لكم بسوالف<< ما في وقت ! و ما عندي رسومات new << ضيْعت سيدي السكنر ! عيل ؟!! قِصَة ! اقرو.. و بس
مازال يلاحقني.. اسمعُ صوته الحاد بوضوح.. يناديني بإسمي وبرموز لا يمكنني فكها. الضوء الخافت يحجب عني الرؤية.. يحيطني الخوف.. كما يلبسني التردد، والدهليز الذي أقع فيه لا أجد لهُ مفر؟! كيف لي أن أبدو قوية وأنا منهارة تماماً من هذا البيت المهجور، جدرانه محطمة، وصرير أبوابه ترن في إذني، أساسه الظُلم و الجور. تداولت الأقاويل بأنه بٌني بواسطة حشد من الجن الذي لا يُقهر أبدا.. تتجول بين الحين والآخر.. تتهامس بين تارة وأخرى.. تهوى التجسس عليه وتدفعهُ لمراقبتي طوال الوقت! أنه يتبع آثاري، وعيونه تحدق متلهفةً للإمساك بي! ألتفتُ يميناً و شمالاً، أفتش عن ثغرة، ثم أحمل قدمي نحو السلم. أحاول بكامل قوايْ أن أضع قدماي على العتبة، لا يوجد أيْ ذرة أمل في الوصول إلى أعلى، أبحث عن مخرج! فجأة يلفت نظري نور أحمر، إشعاعاته متقطعة، أدقق النظر، انه زر المصعد المتحرك، أخذتُ نفساً عميقاً، و توجهتُ مسرعةً نحوه.. أسمع صوت خطوات سريعة متواصلة تلاحقني؟! توجد رائحة عفنة غريبة تحيطني .. أسحبُ جثتي الباردة خارج المصعد لأجد نفسي في الطابق الأخير؟! انفجار في الطابق السفلي، انتصب مندهشة! - أين السور؟ - ألا يوجد حاجز؟ الهواء يتخلل خصلات شعري، والرياح تدفعني بشده، سرب من النسور تُلقي عليَّ التحية، والغيوم تمطر لهباً، يتمزق قلبي خوفاً من الأحداث المسترسلة. أريد أن أنجو منه، اختبأ، باب المصعد المتحرك يرتجف!.شخص ما مُقبل، ربما من ينقذني أو إنه قادم، بنفسهِ قادم، ربما يحملُ في يدهِ هذهِ المرة مسدس، في المرة السابقة سقطت السكين من يدهِ بإعجوبة، بالتأكيد اليوم هو جازم على الحصول عليّ.. لن أسمح لهُ بإفتراسي كفريسة سهلة.. سأرفض التهامي في لحظات عابرة.. ثواني معدودة جداً، إنه يقتربُ أكثر!! وأكثر وأكثر. ماذا بمقدوري أن افعل! أتفحص الطابق؟! إنه خالٍ من أيْ مواد؟! فقط سطح متموج من دون جدران؟! سيُفتح باب المصعد؟! أستسلم أم !. أواجه صراع شديد بين نفسي ونفسي؟!! إذا الذبابة الصغيرة، ذبابة حقيرة تستطيع أن تحلق في الفضاء، فكيف لا يمكنني الطيران؟! ارفع جناحي عاليا كما تفعل الفراشة، أقلدها في حركتها، وأطير! لم لا، فلا يوجد ما أخسره، موتي و لا الاستسلام تحت رأفته وظل يديه.. الزمن يضيع وأنا مُجبرة على اتخاذ قرار سريع وهادف في ذات الوقت، وكيف في مدة زمنية لا تتعدى الثواني! أتنفس الصعداء،أطلقُ قدمايْ نحو الفضاء، أحررهما من القيود وأفك أغلال يداي.. تتلامس أصابعي مع حافة السطح، لم أنظر إلى الأسفل لأقفز قفزة واحدة لا غير.. "بوم" صوت ارتطام جسدي بالأرض، أضلاعي تهمشت، أشعر بجثتي جامدة على سطح خشن، لم يسبق لي أن أشعر بهذا الشعور من قبل؟! ألم أمت؟! ألم تخطف روحي تلك الأرواح الغريبة؟! أرفض فتح عينايْ لأرى دمائي تسيل..أنفي ليس في مكانه! واذني في الجانب الآخر،قِطع جسدي متناثرة.. الفوضى تغمرُ المكان.. بالطبع أنا في الشارع؟ عجبي! من قهقهات تتعالى، وضحكات تتمازج؟ عجبي! لا أسمع إلا قرع طبول؟! عجبي! أهكذا يستقبلني أصحاب القبور؟ أتقرعُ الطبول عند وصولي المقبرة؟! أتمنى أن لا يراني الأطفال وهم يركضون وراء الموكب! يشدني فضولي ويدفعني لفتح جفنايْ، عالم الغيب والروح أريد أن أرى من حولي، ولكي أرى من سيهتم بجثتي و يقدم الشاي في هذا العزاء للحضور؟! جمهور من حولي وأنا لا أتنفس، الجميع بتابع مراسيم العزاء، أأفتح عيناي! أم انتظر ذلك الملك العظيم، يقدم ويسألني! - من انتِ ؟! - من أنا ! - من انتِ ؟ - أنا ! شعلة بلا نور، جسد بلا روح ، دماغ بلا جمجمة وصـوت غير مسموع وأبتسـ يقطع حديثي بصوته الشجي قائلا: - أكبر جرم ارتكبتيهِ في حياتكِ هو الـ - اعلم هو انني .. كنت دائما .. لكنني .. بعد ذلك .. هو في الاساس ومنذ البداية .. آآآآآآآ .. اقصد اني .. لم اكن اقصد ذلك ... آآآآآآسفه .. آآآآآ.. اممممم .. أترددُ في ذلك.. محال أن أموت في سلام؟! أعاني حتى في موتي! لكن الميت لا يشعر ولا يحس، هذا ما قرأتهُ في بعض الكتب؟! وما علمتني أياه جدتي –رحمها الله-. أشعر بأن روحي ما زالت ملازمة لجسدي. رابطة قوية ومتماسكة بين جسدي وروحي، أظل حائرة ً، أهذا الموت بعينه أم إنها مجرد مزحه! - مزحه ! بالله عليكِ، أي مزحةٍ في وقتٍ مثل هذا ؟!!! أشعرُ بأن أحد يلمسُ جسدي، ربما أنا في المغتسل؟! نعم كما روت جدتي، يُغسل الميت ثم يُصلى عليه ثم تَلفه حبات الرمال وتحتضنهُ الأرض بحنان، رافضة ان تخرجه من جديد. هذه هي غايتي أن لا يراني هو، ولا يتربص لي و تختفي نظراته المطبوعة في ذاكرتي! فليصلوا عليّ صلاة الميت.. هيا اصطفوا، تراصوا واسرعوا في الصلاة أمام جثة هامدة شاحبة اللون و اعزفوا لحن الخلود.. - هي .. انتْ.. نعم انتْ .. اني احدثكَ .. لماذا لا تلتفت لي! أيها الشيخ المسن لا تصلي ببطىء شديد ..يزداد شوقي لهذه الارض.. أشعر بأن احد مسترسل في لمس جسدي، ودغدغات سحرية تداعبني! يحركني شيء بنغم يتراقص في مسمعي، ولغة جسدي تتبدل! أحاول تحريك يدي، هناك من يشدني إليه، رقبتي منحيه! وخيوط تلفني، جسمي تشرنقه الاغلال من جديد! وهل للقبر قيود؟ خُيل لي اني عارية تغطيني قبلات متواصلة، قشعريرة تسري بدمي وكأني ساقطة على كومةِ قش؟! العب معها، وتلتصق بي بشدة رغم محاولاتي العقيمة في ابعادها عني، لم استطع حتى ابعاد رائحة عطرها القوي الخانق. - من سيربح اللعبة؟! تشقلبني من كل الجهات، اخجل من موقفي هذا، أأعذراء مثلي تنحني لكومة قش! فجأة.. أحسست بهِ.. أنه معي.. لن يعجز عن البحث عني.. سأفتح نظري لكي استعد للهروب.. لكن !! هذهِ المرة لن أتردد في فتح عينايْ و ليحدث ما يحدث.. فتحتهما لأجد مصيري، ها أنا ساقطة على جسدهِ العاري من فوق السرير!!
جريئة شويْ مو ؟
somethings
bye now 20 avril عالطااااااااير(صباح الخير).. و في رواية اَخرى (مساء الخير)
شخبار عيال آدم و حواء ؟ يا رب تكونون تمام التمام.. و عال العال.. و فوق النخل و ان شاء الله تّموت جذي دهر و دوم مو شهر و يوم any way شوفو هالفكرة من رسمي طبعا محد بيقدر ياخذهم و يحطهم باِسمه؛ لاَن توقيعي عليهم من فوقهم لتحتهم شوفوهم.. و عطوني رايكم ها   تدون ان اذا الواحد ما عنده الا بيزات شيسوي ؟ طبعا ً.. لازم يدلع روحه و يشتري له شيْ بللي عنده!
يعني مثلا ً كان عندي 10 دينار رحت مجمع البحرين و شريت لي شنطة!
تدرون ؟ (عزرائيل) مستاَجر شقة في [بني جمرة].. ماخذ ارواح 5 !!
قبل فترة "وجيزة" اشتكرت في منتدى و سويت توقيع.. اعتبره كشخة الصراحة! اِلا وصلتني رسالة خاصة من المشرف.. فيها: (تم مسح التوقيع لاَنه يحتوي على صورة فتاة عارية و متبرجة)!!! متبرجة<< و الله على خفيف! عارية<< يا كبرها عند الله المشكلة ما عندي اياه الحين عشان اوريكم شقد ناعم و هادئ عاد انا ابي اَحسن صورتي جدام الاعضاء و هالـ مشرف فـ سويت هالتوقيع اللي يفشل!
و عندي بعد رسمة new بس لاَن الله يسلمكم مسوية فورمات البارحة للكمبيوتر فـ انمسحو اشيا@ وايد
توقعو مني new blog قريبا ً 27 mars !! تتبيله السلطه السلام عليكم مساء الخير اَو صباح الخير مرحبا Hi Hello قـــوه
ولكمـT عـjـبه لا الله لا يشل Eـد اللي سوتها لي (zina)!! تســـــــلم يا رب..
صار لي مده من اَخر بلوg لي مو؟! شسوي بعد.. مشغوله بتوقيع المعاملات و الصفقات
Any way
الحر × البحرين مو طبيعي!! امممم.. يـB لي اروح البحر و اسبــــح بين الاَمواج.. احلام مراهقات مو ؟!!
خلصو ثلاثه ارباع المسلسلات اللي اطالعم! الحين ما عندي الا بس جم مسلسل.. ما عنـD برنامج اسويه و لاَن الملل ساعات يكفخني و يقدر يغلبني.. فـ اقعد ارسم و اخربط!! شوفو هذول [كتغيّر جوْ]!!
صج هذي بالـpaint.. بس عـــاجبتني و كشخه بعد!
و هذول بـED
و عندي اَكثر من مشروع مسويتهم.. بس الحين مو دورهم!
الحين: مع السلامه ! 17 février رسومات.. كل واحد فيكم ! مساء الخير every body
اَدري اِن سبيسي هالفتره كلش "عدم" بس للحين مواصله الزحف.. و بتم اَواصل الزحف يمكن عقب دهرين و ثلاثه اَرباع اَحد يدشه و يضيف لي كونت!!
قطعت برتقال و ليمون و حطيت مايْ و سُكر و حطيتهم بالخلاط.. اِلا الخلاط ما يشتغل بعدين اِكتشفت اِن الغطا ما كان مسكر عدل.. عشان جذي ما اِشتغل الخلاط شهالمخ اللي عليه.. يعني لازم اَسكره عدل عشان يشتغل مثل العالم و الناس و خلاطات الناسات!!
ههههههههههههاااااي.. عيل بدّت المدارس يا رعات المدارس ها اَنا وياكم قلبا ً و قالبا ً صدقوني.. و اِخذو مني هالقصيده:
قصر عمري من كثر ما طال هالفصل الدراسي و الشقى صار بحياتي لمماتي شي أساسي اللي يسمع بتخرج و استلم منصب رئاسي و إلا بتعلم أناقش واطلع عالم او سياسي و انا من بعد امتحاني.. كفو يبقى شي براسي
و الله جاني اكتئاب من هالمنهج و الكتاب انا خبري العلم نور ما هو ملجأ للعذاب كل ما ارقعها في صوب ينفتح لي الف باب و انا من منهج لمنهج ليما راسي والله شاب انا جاهل مابي افهم والنصيحة يا شباب لا تعيبوا عالجهل ترى من عاب استعاب
تعب مخي من كثر ما قام يفكر والمدرس اذا لقاني حاضر بصفه يكشر انا مابي اتعلم خله يشرح و انا بس خلوني ابربر مخي حر وقت ما يبي يتفتح و وقت ما يبي يتسكر اصلا ً انا اكتشفت ان عقلي مو عقل عالم مفكر و بصراحة ما اعارض فكرة العرس المبكر
ليش اتعب اتعذب نص حياتي بالعلوم و اقضي عمري بهالدراسة وهالهموم بالله عليكم شستفادوا يوم وصلوا للنجوم انا ما ودي أطولها عليكم؛ عالعموم اذا ماني قد العلم ليش ببحوره اعوم
و شوفو هالرسومات.. و خبروني انتو ضمن اَيْ رسمه فيهم: ترى اَنا كل حين شيْ
one two three
مشغلينها "ميري" بدون راتب
مخربطه الاَخت.. يبي لها تتزوج و تريْح نفيش مخها
بدل ما تطالع "اَشواك ناعمه"
هذي حالتي الحين يا بعد عومري انتي
النوم سلــطاااااان
تبي تعرف كَبَت المُدرسه اَيْ قد
للحين قاعده بالمدرسه!؟!! قومي روحي الصالون سوي شعرج
روحي افتحي الدريشه و رفسي التلفون بعيد عنج
احلام سعيده.. و كوابيس في الفريج الثاني
تصبحون على كريم كراميل 15 février مو شغلي.. في (حوريه بحر) يعني فيمساء الخير..
الكل حران في البيت.. لكنّي بردانه!! يعني ما بيتوب عني هالبرد ما بيخليني في حال سبيلي ايه ده!!
تدرون بشنو اَفكر!؟!!<<< اكيد لا اَبي اَخربط و اسوي قصه من بنات اَفكاري بالـرسم.. يعني ما عندي لا شغله و لا مشغله
Any way اسمعو ماَساتي من لما كنت صغيره و من اَول رسوماتي كانت عندي قناعه باَن في (حوريات بحر) كنت حاطه في بالي اِنهم برنسيسات البحر.. و اِنهم طيوبين و مثاليّن و كنت بعد اَقول اِنهم يساعدون السمج.. و اِن لازم تكون حوريه البحر جميــــله و شعرها طويل و طبعا ً مع كل هالمواصفات لازم تكون الحوريه رشيقه و جتني صدمه قويه لما سمعت ولد خالتي يقول اِن ما في شيْ اِسمه حوريات بحر.. و تميت اَفكر بهالشي و مو متصوره اِن ما في حوريات!! و هذي رسمه من رسوماتي القديمه لحوريه: 
يا سبحان الله.. الظاهر فاتحين بالبحر اكسسوريز و فيسز و مادري وين صانعين هالساعه اللي ضد المايْ اللي حدهااااا قويْه و تقاوم موج البحر !!
و مو من زمان رجعت هالرسمه بقلمي رسمت حوريه جديده: 
بااااااال شوفو فرق الرسم لا تنسون اِني كنت صغيره وقت اللي رسمت الرسمه الاَولى امممم.. مادري جم كان عمري كللللللش بس يمكن كان في حدود: (8-11) سنه
بس قبل فتره شفت عند ولد خالتي فيديو بالتلفون و اجبرني اِني اشوفه تقريبا ً.. و كان ملزِم عليّ اطالعه حتى استغربت من اصراره العجيب و عطاني التلفون.. و كان يضحك<<< ما كنت عارفه سر هالضحك اِلا الفيديو كان عن حوريه بحر (صجيه) كانت حوريه البحر تخرررررع (استغفر الله ربي) و حجمها عود و طويله قلت له اِن هذي مجرد سمجه ضخمه.. بس قال اِن فيها قفص صدري.. و من هذا المنطلق فهي حوريه بحر!! و ذكرني باِعتقادي السابق بوجود حوريات بحر و قلب عليّ المواجع و الذكريات..
يعني شفيها لو كان في حوريات بحر بالبحر.. و الله شي عجيب.. و كنت بتمنــــــى لو اَكون وحده منهم و ربي
اااااااخ يا قلبي للمقاولات.. كانت صدمه نفسيه و عصبيه..
يا الله.. تصبحون على بحر
احسـبو روحكم.. و شويْ شويْ
صباح الخير اَو مساء الخير
يقولون: [من فرح اَوكسجين.. فرح نبي و اَنا ابي اشوف من اللي فرحني و مالي مزاج و ما عندي وقت عشان اوقفكم بالدور عشان اَعدكم فـ حطيت هالـ عداد (عشان تنحسبون تلقائيا ً)
صفو بالدور.. و عن الدز و ما اَبي اَسمع ايْ شكاوي ها
تصبحون على عسل
 للحين مواصله الزحف بعرفكم على ربعي اللي بالحجره.. هذول صورتهم الجماعيه.. شوفو شحليلهم (الله يخليهم لي):
خلوني اخبركم عن كل واحد فيهم.. نبداَ بـ(توت) زعيمهم و اَكبرهم سنا ً.. و اقدرهم! هذا الدبدوب اَنا شريته هديه لروحي بمناسبه اَول زياره لـ(مركز الاَنوار)!! اعتقد عرفتو من وين شاريته! احبه وايد و ينام صوبي كل يوم:
اَما (سبالوز) فهو قردي الحبوب اللي ينام فوق راسي كل ليله:
 اَما الجديد على الساحه الفنيه.. و اللي سرق الاَضواء و الاَنوار و الفرات و المنار و ... هو (سمبوش) بيْض الله وجهه ياااااااا رب و عسى الله يخليه لي و يخلي ريحته الحلوه اِن شاء الله.. هذا الدبدوب غالي غالي غالي.. و دخل قلبي من اَول نظره:
بقوم اطالع المسلسل: charmed Җ ש تصبـحون على ورد ש җ
җ ש احلام يا رب عسل ש җ
مساء الخير و الاَنوار و الفُرات و كل القنوات الفضائيه.. و اللي مو فضائيه بعد !
شخباااااري ؟!!! الحمد لله.. و الله تمام التمام و اِن شاء الله دهر و دوم.. مو شهر و يوم!
بس حبيت اوريكم صوره مجسم اَنا مسويته.. المجسم عباره عن خيمه.. صوب هالخيمه قاعده (السيده زينب)! و يوم ثامن بدلت الدفه اللي على المجسم.. و لبستها مال عرس عشان تصير مثل (سكينه)+ شموع+ الصندوق و العوده! هذي صوره المجسم.. و لا تساَلوني شلون سويته ها:
شوفو هذول.. ملاحظه: الصوره بالاَبيض و الاَسود<<< لاَني متهاوشه وياهم!!
مو المفروض يشيلون صفحه (شمسه و دانه) اللي في (مجله ماجد) و يحطون حلقات عن هذول!؟!! يااااا اَصحاب المدراس.. صار خاطر اشمت فيكم و اَاَلف اغنيه عنكم <<< طيبه و كرم اَخلاق.. ما شاء الله على روحي!
شوفو هالاَبيات اللي حدها فن و عجيبه: اَنا ما لي بتصفيف الكلام و لا الحواجي ماني شاعر و لاني كاتب و لا محلل سياسي اَنا دلوع اَمي و الحجي ضايع براسي لا كلام ينفع معاي و لا طراق يلف راسي قالوا لي تعلم! قلت: خلوني و العنو اَبو ساسي كلها يومين و الواجبات تهل من اَول يوم دراسي و اَنا ما لي بالعلم.. اَنا لي بتطفيش الحواسِ يدخل نافش ريشه يقول قومو من فوق الكراسي يبى رد السلام من واحد سارح بالمحاشي و اَنا مو فاضي يا جماعه.. اَحاتي معاشي!! اوقف قوم يا الخبل ... قلت: هادنكم و ماشي مشيت و ناديت حمودي: تعال يا صاحي قال: وين رايح؟ اِنت مو صاحي؟! قلت له تعال ندور و نلعب بهالنواحي فز راكض وجاي يقول: بس ما في تكاسي!! قلت له: يا بن الحلال كل شي براسي درنا نتطنز على البلوش و اَصحاب الجناسي المشتكى لله يا جماعه ضاقت انفاسي لا شهاده اخذنا و لا صرنا من اصحاب الكراسي و يا الله.. مع السلامه فشايل على الهوامن دون مقدمات جت رفيجتي البيت ((حياها الله.. العين اوسع لها من المكان<<< صار مسلسل)) الا هي تقول لي: قومي نروح سوق واقف بشتري لي قطعه لتلفوني قالت قومي سوق واقف.. و ما جذبت خبر وينج يا الشيله يا بعد عومري E.. رحنا السوق بسياره اخوها [بس سياره بدون اَخوها ها] كان مافي زحمه بالسوق الاخت توها ماخذه الليسن و ماتعرف تسوق عدل [ و ماتعرف تلف عدل في دواراتنا [ديرتهم مليانه جبال.. قصدي مطبات!] وصلنا السوق بالسلامه <<< و لا يفوتكم ذاك البارك ! الاخت ماتعرف تصفط السياره عدل عقب ما نزلنا من السياره اكتشفنا السياره مايله وايد مو شويْ و بطريقه تلفت النظر !!! و اللي هناك يطالعون و يتطنزون و يتمسخرون على الحاله اللي وصلت لها الاَمه العربيه الاسلاميه!!! هي تفشلت و قالت تبي تعدل الباركـing.. بس قلت لها:
انزين.. تحيرنا ندش ايْ محل.. مع اِن اللي كانو فاتحين ذيج الحزه بس 4 محلات [كنّا رايحين الساعه 4 اِلا] قلت لها: بندخل اَكشخ محل!! و هذا اللي صار صج دشينا محل ماتذكر شسمه [اصلا ً ما شفت اللافته دشينا.. لكن المصيبه اِن التلحه اللي ويايْ كانت <<< وا ويلتاه.. كيف العمل!! كيف التصرف!!! حاولت تشرح له هالقطعه شتسوي و شلون شكلها.. لكن الهندي اللي هناك قال ما عنده [و هو اشكَره ما فهم شسالفه]!! دشنا محل ثاني و سوت الاخت مثل الفلم الهندي اللي سوته في المحل الاَول.. بس الهندي اللي بهالمحل عطانا السين!! دشينا المحل الثالث (اللي عقب الثاني) هناك الهندي طالعنا بنظرات كاَنه يقول لنا: طلعو بره!! احترمنا روحنا و مشينا من هالمحل الاخت كانت حابه انها تواصل للمحل الرابع.. بس قلت لها نركب السياره احسن ها.. ركبنا السياره.. و اذا بالصاعقه السياره ما فيها بترول !
[ break بتعشى ]
انزين.. يا جماعه السياره ما فيها بترول! ادري اِن هذي مو مشكله و اِن هالشي عادي لكن اولا ً ما ندلي المحطه اذا بنروح لها من سوق واقف بس حاولنا و الحمد لله رب العالمين نجحنا و لقينا المحطه وصلنا المحطه.. الا حضرتها تضحك!! ساَلتها: لماذا تضحكين الا تقول: فـ نزلنا من السياره عشان نشوف وين الفتحه مالت واير البترول كانت الفتحه صوب اللي اَنا قاعده.. انزين.. السياره مو حدها ذاك الزود كشخه.. و مو جديده ساَلتني: اصب ممتاز اَو جيْد!؟!! ياااااا ربي.. كنت ذاك اليوم مسويه السلطه و مغسله مواعين الغده و مصفطه الثياب!! يعني ما سويت شي عشان الله يعاقبني..
قلت لها: مادري! نزلت الدريشه.. تحيْرت البنيه شتقول للصبي!! الا اقول له: نصب ممتاز اَو جيْد!؟!! حسيت الصبي هني بينفجر من الضحك!!!
الا يقول: مادري كيفكم.. الا اقول له: اذا صبينا جيْد بيصير فيها شيْ!؟!! الا يقول: لا ! الا اقول له: صب بدينار جيْد.. الا هي تقول: دينارين! الا اقول لها: بدينار بس.. و الدينار الثاني مال مغامرتي بحياتي و موافقتي ركوب السياره و انتي للحين مبتداَه صبّ الصبي لنا بترول و مشينا.. قلت لها: وصليني البيت مو ناقصين.. ندري اِن مقبره ديرتنا سوروها
اكتشفت شي الجو يشوبه الخرف! دقايق برد.. و دقايق حر ما عنده ثقه بنفسه!؟!! مو رجال ما يتم على حال وحده
في يوم من الاَيام قالت لي رفيجتي اِني اجيب طاريها في بلوg بالخير! قالت يتطلعنا بالسياره و ما طلعتنا! قالت بتجي اليوم بتعطيني بطاقه خطوبه اختها و ما جابت! شسوي فيها اَنا!؟!! شلون اذكر الخير بالله عليكم
سمعو مني هالسالفه.. جالس بحالي و لحالي.. و اِذا بتلفوني يرن.. رنه المسج!! رقص قلبي فرحا ً [و اللي ما يدري يدري ان يحطون كونان في teenz الساعه 5 على ما اعتقد Any way.. قريت المسج اللي وصلني.. يعني اوكيه.. ما اختلفنا ان المسج حلو.. بس ما اعرف صاحب الرقم! قلت: يمكن بالغلط.. و طنشت! و توالت المسجات.. مسج يجر وراه مسج!! يعني يا سبحان الله.. الدنيا للحين بخير و فيها ناس تدز لناس مسجات ما تعرفهم و بدون سبب <<< شيْ كشخه الصراحه طبعا ً كنت حدي مستمتعه و اَنا اقرى المسجات.. حتى وقت اللي رحنّا السعوديه.. وصلني اَكثر من مسج من نفس الرقم! كانت المسجات ذيج الفتره عن "عيد الغدير" <<< شيْ رائع! المهم.. لحد يوم الاثنين كان الشيْ بالنسبه لي عادي.. بس توصل لدرجه اِن اقعد من الرقاد على صوت مسج.. هذا شيْ لا استطيع اَن اتحمله !! و على طول شفت الرقم و حفظته.. و دقيت عليه! [ما انلام.. كنت راقده و صوت المسج قعدني] رن التلفون شويْ.. و رد عليّ واحد!!
اَنـا: السلام <<< بكل هدوء و احترام ! هو: و عليكم السلام.. اَنـا: [بسم الله الرحمان الرحيم.. داخله معركه!! الله اَكبر] و الصبي رد عليّ بكل برود: اَنا اَنـا: اووه.. ما شاء الله تلفونك اوتوماتيك يدز للناس مسجات من الصبح هو: اَنـا ماطرشت شي اَنـا (و انا موصله اَلف منه): هو: اَنا ! [و ياااااااا ربي.. يقول كلمه "اَنا" بين كل جمله جمله بطريقه تضحك+ تقهر] اَنـا (للحين معصبه): و ليش تدز لي مسجات من الصبـــــــح!؟!! هو: اَنا! اَنا ادرس مو قاعد اطرش مسجات اَنـا: هو: اَنا محد يستخدم تلفوني! اَنـا: زين.. لو سمحت ممكن ما تدز مسجات مره ثانيه [كان خاطري اقول له: لا تدز مسجات الصبح.. لاَني كنت ابي مسجات]! هو: اَنا قاعد ادرس في العالي اَنـا: مع السلامه و سَمَعته صوت القطار (توت توت) و تميت طول اليوم منقهره منه و من طريقه كلامه البارده!!
بس يوم الثلاثا وصلني مسج المغرب (كنت داخله باصلي) من نفس الرقم و كان عندي بالكردت 4 ربيات فقط! [معروف عني عقب ما يصير عندي اقل من 5 ربيات ما اتصل لاَحد.. لاَن تنرفزني اللي تقول جم بقى عندنا بالكردت] بس هني على طول رحت لخيارات المسج و اخترت استخدام الرقم و اتصلت! الا الصوت غير الصوت مو غريب الصوت الصوت الصوت الصوت صوت (عمي اَحمد اللي بالكويت) يعني اَنا متصله الكويت! يعني اَنا وقت اللي اتصلت لـ(عبد النبي) شلت رقم فتح الخط و اتصلت على اساس اِن الرقم بحريني! و هالمره لاَني استخدمت الرقم فصار مع فتح الخط و صار رقم عمي الكويتي!! يعني استاذ (عبد النبي) اللي عطلته عن الدراسه ماله شغل يعني اَنا الغلطانه!! واااااااااا فشلتاه! وااااايد كنت واثقه من روحي و اَنا اكلمه!
هـــي!! N شاء الله صدقتو اِني عن جد حاسه بتاَنيب الضمير!؟!! لا يبه
هذي صوره (علوي) ولد عمي اَحمد:
للحين عندي اصرار.. و مخدتي الحبيبه شوفو ولكمتي شحلاتها اَنا اللي مسويتها<<< هذي كوفي سوتها لي [الله يخليني.. قصدي الله يخليها] يعطيج العافيه و عساج عالقوه..
Any way البارحه كنت متملله.. تتوقعون شسويت!؟!! ويلي ماقدر على روحي اذا بغيت اسوي شيْ اسويه يعني اسويه!! الله يسلمكم صار خاطري اسوي مخده!!! و كلش ماعندي ادوات غير القطعه.. يعني الخام بس حدي ابي اسويها.. و لي مزاج [مع اِن طافت الساعه اَلف] و كنت جوعاااااانه بعد طالعت الساعه الا هي الساعه 2 اِلا <<< يعني بابا كنتاكي ما يوصل! و عصافير بطني تزقزق<<< حلوه دي تزقزق!!!
نرجع لسالفه المخده طبعا ً تدرون اِن المخده يحطون داخلها قطن!! رحت الصيدليه اللي بالبيت ما لقيت.. دورت مني مناك هم ما لقيت!! تذكرت اِن عندي دبدوب احبه.. و كلهم خاطرهم فيه حتى اسمه (توت)<<< من كثر ما ششششش مو هذا موضوعنا يا بنت الحلال و هذي صورته:
تتوقعون شسويت فيه!؟!! نحرته من رقبته و طلعت كل القطن اللي داخله [جايب هالقساوه منين]<<< اصلا ً اشلخ.. مو توت اللي نحرته كان عندي دبدوب كبيــر و كريه.. و ما احبه و من كثر كرهي له ما ترددت اِني انحره و حتى تفشلت اصوره [مع احترامي الكبير لك يا المرحوم] دبرنا القطن
انزين.. ابي شي ازيْن فيه المخده!! ماعندي خرابيط تناسب.. الخام عنابي و الخرابيط مال الزراكيش ما تناسب و اِذا بي اشوف ربطه بنت خالتي ناسيتها عندي من اسبوعين مزينه بخرابيط بيضا و فيها لمعه ورديه خفيفه قصفتهم و هذي صوره الكلبس قبل و بعد العمليه البشعه:
و هذي بعد من الاَدوات اللي احتاجها:
لاااااااااااع.. هذا السنطر اللي كنت اَكله سبق و اِن قلت لكم اِني كنت جوعانه
Any way البنت ماعندها شيْ تلصق به!! [نادي عليا ً مظهر العجائب.. تجده عونا ً لك في النوائب] و اِذا بالمسدس يلمع قدام عيوني:
من قبل جم يوم عطيت رفيجتي نور تشتري لي شريطه و اشوه اِنها شرت وحده عجوبيه:
و هذي الورده طايحه من كلبس قديم كان عندي:
كاَنها بانكه مو!؟!! في النهايه.. و عقب نص ساعه من البحث القائم عل قدم و ساق ظهرت نتيجه العمليه الجراحيه:
هي عن جد بالطبيعه احلى و قسم بالله<<< يعني ما تجذب فااااااااااااشله فاااااااشله فاااااشله
الله كريم
و مو ايْ باستا.. هذي باستا من "يم يم تري"<<< yummy !!! يعني تخيلو ويايْ شكلها.. و هي ساخنه و الذه و الروعه و الفن اللي بطعمها ااااااخ.. طعم يدوْخ!!! الصراحه مادري ايْ فنان اللي بدعي له في صلاتي عقب شويْ اللي اخترعها.. حبيته من كل my
اممممم تعرفون "زهره الخرجي"!؟!! هذي ممثله كويتيه!!! اَخر مسج وصلني: [جوعاااااانه.. يصير تجيبين لي شيْ اَكله!؟!!] ((فاتحه مطعم لاَني لا ))!!!
و اللي قبل الـ اَخر مسج: نصيحه من قلبي: حط اللي يعزك بعيونك.. ترى ما تلقى من يصونك.. حتى لو ضاق صدرك اَو زادت همومك.. و على فكره: النار بالماي تطفي.. و الغلا بالاِهمال ينتهي ((عباره حطها في بالك))!!
يا ربي.. مو فن جذي.. [خلص صحن الباستا]!!!
تدرون لازم شتسوون اذا بقى عندكم 15 فلس في الكردت!؟!! روحو mtc Vodafone.. و بعدين اختارو اللغه.. و اخذو خدمات "wow".. و روحو ليوميات و اختارو الابراج.. و اختارو برجكم!!! و بيوصلكم مسج!! <<< قالت شيْ مهم لا!! E هذا اللي اسويه اذا صار ماعندي الا 15 فلس بالكردت! ليش!؟!! عشان يصير فيها0.000 !!<<< بذمتكم هالرقم مو احلى مو 15
وصلني مسج الحين من mtc برجي اليوم يقول لي: ( يبدو عليك التردد في دخول تجربه مان و يلزمك بعض الجراَه)! يمكن اخويْ صار يشتغل في mtc و حضرتي اَخر من يعلم!! شدرااااااااهم اِني متردده
ششششش بوريكم رسمه.. من سنتين تقريبا ً.. و يمكن اَكثر كانت محاوله فاشله اِني ارسم خيل !! اخويْ يقول لي: مو كاَنها باربي حطمني و كسر معنوياتي.. عن الطنازه الزايده.. و تذكرو اِنها اَول محاوله!! 
و راسمه بعد كاَنه في مزرعه !!! مالت على هالرسم !! مُصره احطهم.. حتى لو كانو مغبرينلقد جت على بالي كلمات وايد.. لكن ما اَقدر اَن اغصغصها على الورق ( الله يذكرج بالخير يا تبوله
لو جينا للصراحه يا اعزائي المشاهدين بنلاحظ اِن مافي سبب يخليني اكتب هالـ بلوغ بس بقعد اشلخ عليك شويْ و اخبركم شصار و شللي ما صار ( شلون يتعرفين اللي ما صار يا ....
البارحه قررت العائله الكريمه ( قومو اوقفو اجلالا ً و تكريما ً) اِن تطلع بمناسبه العيد الوطني.. شبابنا الصغار لبسو اَحمر في اَحمر و احنا بالسياره ما كنّا عارفين اَين سنذهب.. و اِذا باَحد الاقتراحات تاَتي صارخه ً الله اكبر.. اوووووه قصدي " النادي البحري".. و هذا اللي صار فعلا ً توجهت المرسيدس اللي رقمها يبداَ بـ876 الى النادي البحري Wow هناك.. كان في اشيا@ فن !!! من الاشيا اللي شفناها هناك و اللي عن جد خلتني اضحك اِن شله صبيان (11 صبي) يمشون و يغنون.. يغنون شنو!؟!!! كانو هالصبيان يغنون اغنيه تضحك الظاهر اِن هم اللي ماَلفين كلماتها الكلمات كانت بمعنى ( ليش على طول اِحنا اللي يتهموننا اِن نغازل البنات و ييحطون البال علينا.. احنا نمشي سيده و ما علينا لا من تنوره قصيره و لا فانيله ضيقه) ضحكوني من
في شله صبيان ماصخه.. كانو اِذا يطوفون بنات صوبهم يصرخون ( كل حين يزهقوني و يطفروني
و خلال سهرتي العظيمه اكتشفت اَكثر من اِكتشاف اولا ً حجرتي حاليا ً فيروزيه.. و اكتشفت اِني ابي اصبغها برتقاليه ثانيا ً كل السنافر انقرضو.. الا me ثالثا ً ان دعايه فير اند لفلي ( حلمك اصبح حقيقه يا الله حبي الحياه) تقهرني و ترفع ضغطي رابعا ً اِن تعريف البخيل هو: اللي يعيش فقير.. و يموت غني خامسا ً اذا كانت مروى تقول "ماشربش الشاي" المفروض تشرب كوفي بنت عمتي سادسا ً اِني ما اَحب جوز الهند و طعمه يقهر
و تذكرت شي بعد.. اتصل واحد يقول يبي اَحمد.. قلت له الرقم غلط الا يقول " كل عام و انتي بخير" <<< استغربت.. قلت له: شنو؟ الا يقول: بمناسبه العيد الوطني
12/18
تدرون شنو اَحلى "ثاني" شي عند البنات؟ [ بفترض اِن اَول اَحلى شي هو اِنك تلاقي احد يعزمك على قوطي و جلكسي Any way.. اشوف اِن احلى شي عند البنات هو الكلام و التشكي عن الجنس الاَخر ساعات تتحول كل قعدتهم الى الكلام عن اَدم !! <<< ادمان !
خلال الفتره اللي طافت اكتشفت something ـات.. الشكوى ما تحل المشكله! بالعكس.. هي تعقدها اَكثر! و يا ليت يكون في شيْ ثاني بدل الشكوى
فاَنا و العياذ بالله من كلمه اَنا.. استنفذت طاقه عشان اقدر اسيطر على روحي وما اشتكي لاَحد عن اَحد.. و اِن كل واحد حر بتصرفاته!! لحظه لحظه.. قلت اَنا (و العياذ بالله من كلمه اَنا)؟ <<< جمله كلش مو فن ليش اتعوذ من روحي "اَنا"؟ ليش ما افتخر و اَنا اقولها؟ ليش ما افتخر و اَنا اتكلم عن my self؟ و شفيها لو افتخرت بروحي و وجودي!؟!!! بذمتكم هالشي مو فن اَن الواحد يفتخر بروحه (طالما الموضوع ما يوصل لدرجه التكبر و الغرور اممممم.. كنت على طول اساَل روحي و اللي حواليْ: شبيكون احساسنا لو كنا شباب بعدين عرفت اجاوب على روحي: ليش نقسم روحنا الى شباب و بنات الحين صرت ما افكر في سالفه لو كنت شاب او بنت ! لاَني مخلـــوق لـذاتــــــي.. مو لجنسي و مو لشيْ ثاني
و عشان اَكون روحي (اَنا) سرقت صفات اخترتها من اللي حواليني: من امي.. من ابويْ.. من صديقه.. من جاره اَو حتى من بطل روايه اَو مسلسل!! اخذت الشيْ اللي انا شفته حلو من هالشخصيات و كونت روحي.. بحيث اِني ما اشابه اَيْ اَحد فيهم لاَني اتعامل باِسلوبي و بشخصيتي.. و ما فكرت في كَونهم شباب اَو بنات.. فكرت فيهم كمخلوقــات! عشان جذي اَنا كونت انســانـه!
هع.. - شيحطون الشباب بمخابيهم!؟!! - و البنات شيحطون في شناطهم!؟!!
عدناااا و العود اَحمدوو
اعزائي المشاهدين بوريكم الصوره.. و بتفهمون و اذا ما فهمتون شسالفه الحادث اوردي بكتب لكم تحت الصوره
Any way شفتون كلكم صوره الباشا (عبود) رئيس شركه الشطانه.. و عضو في جمعيه اللعانه نعم نعم.. هذهِ الصوره تحكي عن الحادث الذي تعرض له له الباشا صباح هذا اليوم.. كيف حدث ذلك؟ كان الباشا متوجه الى مقر عمله في الدوار السابع و اذا بهِ يطيح و في روايه اخرى "ينشدخ"!! و قد اَثرت الشدخه على مظهره اللائق فقد تشدب وجهه و براطمه مما اَدى الى ركضه السريع الى فلته مره ثانيه ليبدل ثيابه و يعدل كشخته اللي طاحت مع طيحته و قد تاَجلت سفرته لابريطانيا.. و اَجل توقيعه لبعض المعاملات و الصفقات
و بمناسبه سلامته.. صرف الباشا (عبود) مكافاَه و كانت المكافاَه (حلاااااااوه) لي فقط !!! اَما السبب الرئيسي للمكافاَه هي اِن الباشا يقول: [ كبيره ما اَقدر اَكلها ] و هذهِ صورتها
و قد كنت مستانسه حدي لكن القوى الغاشمه.. قوى العدو ما خلتني اتنهى بمكافاَتي و ها هي الصوره تتحدث نعم نعم.. لقد سرقها (اَحمد) الصعلوك مني و الصوره تتحدث عن جرمه
 12/19  @اشيا This is my old blog
[المزاج المغيم اللي ما تصير وراه براكين و فيضانات اضرار او خسائر فعليه] ( step 1 ) يوم عطلته.. قلبي البيت فووووق تحت لا تهنينه بهالعطلة.. اقول لج خليه يوم التنظيف العالمي.. نزلي النظافة كلها عليج.. كأنج تهدمين طوف او تحفرين ارض
( step 2) اكتبي لستة طلبات خربطة (في وقت يكون الوالد مو بالبيت.. و بنص الليل) و قولي انها اشياء ضرورية و لازم و تحتاجينها (قولي ان ربعج بيونج مثلا ً).. كل طلب من مكان غير.. مختلفين متباعدين.. اشياء ما تتحصل.. بس لا تنسين لازم تكتبين اشيا ضرورية الكل يحتاجها معجون، زيت، طماط.. عشان لا يشك !
راجع من الجامعة بالليل تعبااااان.. من يحط راسه على المخدة و يغمض عيونه.. بمنتهى الرقة (خلي الرقة كلها تنزل عليج ذيج اللحظة  ) قعديه و قولي له اِنج سمعتي صوت غريب يمكن "حرامي".. !!!
(step 4 ) في الصبح.. انتي بتروحين المدرسة و هو بيروح الجامعة (اَو الشغل).. و من عادته يبي فوطته على طول جاااااافة و ناشفة في الصبح.. وقتي المنبه قبله و روحي استخدميها و خليها مبللة (و لا يفوتج شكله و هو غاسل وجهه و الماي يقطر و هو يدور عن فوطة جافه
(step 5 ) في ذاك اليوم خلج صااااااافية ويه اخوج و اقترحي عليه اِنج تنظفين حجرته (و يمكن هو يتهاوش وياج و يقول لج نضفي الحجرة).. و لا تهمتمين عادي.. ليش!؟!! قلبي كبته فوووووق تحت غيري اماكن التي شيرتات و الجينزات هدا مكان هذا و العكس.. كل مرة تسوين هالحركة بيفقد اعصااااااابه.. (هدا اذا ما فقدهم من اول مرة
رتبي دلغته [ عادي اخت تساعد اخوها
انتو اخوة.. استخدمي مشطه.. و لا تعبين روحج و انتي تشيلين الشعر من المشط!
خليه يوصلج بيت رفيجتج.. أو (بابا سنز) اَو اَي مكان.. بس.. من تركبين السيارة حركي المنظرة و عدلي شيلتح اَو حجابج (اَو المي اَب!).. عيل شفايدة المنظرة !؟!!
في عيد ميلاده.. اَحلى هدية ممكن تعطينها اياه: مزيل عرق، مزيل لريحة القدمين، مخدة تمنع الشخير
12/3
مادري اذا شفتون هالـthing من قبل او لا!!!
عموما ً حتى اذا شفتوه فهو [من تاَليفي] يعني عادي !!!!
Any way بصراحة اَنا و اخويْ نتهاوش وااااايد، يعني في اليوم مو اَقل من اَلف و ستمية و سبعة و خمسين مرة!
الصراع الاَخوي العالمي: (من وين لازم ينعصر معجون الاَسنان)!؟!! من الوسط اَو من نهايته!؟!! و جم مرة نتهاوش على هالسالفة، و الحل.. خلينا لكل واحد معجون! [لا يخلو من تعديه على معجوني.. فحم فحم اَو العكس]!!! و من الصراعات الثانية (وقت النوم).. اخويْ من ضمن قائمة الخفافيش! و اني عكسه! و تركنا هالهواش لاَنه و مو عجيب و يبعدنا عن باقي اَسباب الهواش!!!
و صراع (الانترنت).. اخويْ يتهاوش ويه الانترنت اكثر من هواشه ويايْ.. و على طول حاط باله و بال البنات اللي بالمنتديات.. و اللي مني مناك.. و عنده استعداد لشي واحد في الحياه هو [تطفيش البنات]!!
و (صراع مصروف الجيب).. بما اني بنيه فـ طبيعتي اَصرف بيزات اَكثر، بس هو صبي و تختلف طريقة صرفه للبيزات! و للاَسف قررو انهم يعادلونا في المصروف بحيث يناسبني و يناسبه!
بس في صراع واحد باقي مو راضي يخف و لا يبرد و لا يموت: (صراع الريموت كونترول).. من اَقعد على الكرسي الي في الصالة جدام التلفـ ـعيون يبداَ اخويْ اللي يكون استولى على الريموت قبلي في التنطط بين القنوات حتى تصير الشاشة صور مالها معنى!!! و لما احط ايدي على الريموت (بالغففلة طبعاً) اَخذ دوري في التنطط و التنقل بين القنوات، و افوز عليه في مجال الصور المزعجة! و مع الوقت صار هالهواش (أكثر خباثة) يتقصد اخويْ يوقف عند قناة وقت طويل (و اكثر من العادة) على برنامج او مسلسل او فيلم.. و لما اندمج ويه الأحداث يغير القناة (يتعكر مزاجي)!! و اذا كنت اطالع فلم هندي لشاروخ خان ماقدر اجود روحي و اصيح عاد هو يستانس يقعد يتسيخف و يقول: [شوفيه مسكين شوفي شيسوون فيه.. شوفيه مسكين مسكين يكسر الخاطر] و ماااااقدر اجود روحي و هو يستمتع و الدموع على خدي!! بس ليش يصير هو أحسن مني!؟!! خلني اكون اَخس منه (نحن لهم بالمرصاد)! لاَني اذا خليت على مباراة و اللاعب صار باقي شوي و يسدد هدف في مرمى الخصم "اَعص" على الريموت في اللحظة الحاسمة! و اَراقب اخويْ و هو على وشك دخوله مستشفى الطب النفسي و اتلذذ و اني اشوفه منقهر و منبطه جبده! تكسرت اَجزاء من الريموت و في حبات ما تشتغل، و ساعات يشير و ما يبدل..
بس
للحين نتهاوش!!!
(البقية في الحلقة القادمة)!!!
12/6
فحم فحم
من لما أخذت الليسن و الاَهل يعتبروني "دريولهم": وصلي جيبي ودي تعالي روحي!! اَكيد مو غصب عني.. بالعكس لاَني اَموت في شي اسمه "السويج".. و ما اَتردد في تلبية اَي طلب يقولون لي عنه.. أروح بابا سنز.. اَو السيف.. و لو قالو لي "رامز" بعد ما بقول لا!! [روحي جيبي خضره من الخضار]<<< ماااا عليه.. اَلبس الشيله و اَروح طيرا (دام السالفه فيها سياره)!!!
بس اذا ركبت ويه (مايكل شوماخر).. اففففـ و الله يساعد قبلك يا مولايْ عدلي المنظره.. ليش ما سكنرتين.. لفي عدل.. قدامج لاري حاسبي عساه يدخل فيج<< يا علي
و اذا رقفنا عند اِشاره مرور (لا سمح الله!!): لا تطالعين على اليسار في صبيان في سياره شكلهم صايعين (محد صايع اِلا هو).. و اَني اَعض على شفايفي و اَسكت عنه خوفا ً من هطول الاَمطار.. قصدي عشان لا اصب جاز و يحترق المكان.. و اَسبب عاهه للمجتمع البحريني المتحضر [متاَثره بـ مادري شنو]
و مو مره و لا مرتين و لا 17 مره يمللني بملاحظاته السخيفه.. مِشي الجامه الجداميه.. عدلي الكرسي.. صبيتين بترول؟ و طبعا ً ما اَفتك من عوار الراس اِلا اذا وصلنا بالسلامه.. ساعتها ارتاح من الازعاج اللي حضرته سببه ليّ
في يوم من الاَيام دخل (مايكل شوماخر) البيت العصر.. و كان حده معصب.. و يزف الرايح و الجاي (اِذا عطاهم وجه يعني).. بس محد كان عارف السبب لهالمزاج اللي كان فيه عقب يومين اكتشفت اِنه
رسب في التراي الرابع
ملاحظه: ما خذيت الليسن و لا حاطه هالشي ببالي.. بس اتصور اِن هذا اللي بيصير بعدين
|
||||||
؟!!
.. و 
!؟!!
!؟!!
!
.. اَبي اخمبش شويْ
!!
!!
امشي و خليهم يولون
<< 
!!
!!
جمله سامعتها في كرتون (
و ربي لاااااا يشل يمينج يا بعد عومري
التوت و البرتقال و المانجا و الكيوي و
كنت متوقعه اِنها بتكون اَحـــلى
!!!
و اَصبحتُ اكسر الخاطر!!
)
)؟
بس في سؤالين في بالي:
.. و عند كتفيه|
|
